Policia e Solothurnit në Zvicër zbuloi shtatë kilogramë heroinë dhe një kilogram kokainë javën e kaluar gjatë një kontrolli në Zuchëil (SO). Vlera e drogës llogaritet në disa qindra mijëra franga, tha sot policia kantonale. Një 24-vjeçar shqiptar është arrestuar.
Një patrullë policie e kishte kontrolluar shqiptarin për shkak të “sjelljes së dyshimtë”, thuhet në deklaratë. Duke qenë se nuk kishte dokumente identiteti, efektivët e dërguan në komisariat për verifikim.
Pas sqarimeve dhe hetimeve të mëtejshme, Ministria Publike urdhëroi kontrollin e shtëpisë, ku u gjet dhe u sekuestrua droga.
Shfaq Komentet (0)